கொரோனாவுக்கா 25-ந் தேதி முதல் கடுமையான ஊரடங்கா?- மத்திய அரசு விளக்கம்

1 min read

5 years ago Ponnu

Is there a severe curfew in Corona from the 25th? – Central Government Interpretation

15-9-2020

கொரோனாவை கட்டுப்படுத்த வருகிற 25 ந் தேதி முதல் மீண்டும் கடுமையான ஊரடங்கா? என்பதற்று மத்திய அரசு விளக்கம் அளித்துள்ளது.

கொரோனா ஊரடங்கு

இந்தியாவில் கொரோனா பரவலை கட்டுப்படுத்த ஊரடங்கு பிறப்பிக்கப்பட்டது. ஊரடங்கு அவ்வப்போது நீட்டிக்கப்பட்டாலும் பல்வேறு தளர்வுகளும் அறிவிக்கப்பட்டன.

இந்த நிலையில் தேசிய பேரிடர் மேலாண்மை ஆணையம் (என்.டி.எம்.ஏ) செப்டம்பர் 25 முதல் மற்றொரு பூட்டுதலை விதிக்க மையத்தை பரிந்துரைத்ததாக வெளியான தகவல்கள் சமூக ஊடகங்களில் வைரலாகிவிட்டன. மேலும் என்.டி.எம்.ஏவின் உத்தரவு என்று கூறும் ஸ்கிரீன் ஷாட் ஒன்று வெளியானது. அதில்

கொரோனா தொற்று பரவலைக் கட்டுப்படுத்தவும், நாட்டில் இறப்பு விகிதத்தைக் குறைக்கவும், தேசிய பேரிடர் மேலாண்மை ஆணையம், திட்டக் கமிஷனுடன் இணைந்து, இந்திய அரசைக் கேட்டு பிரதமர் அலுவலகம், உள்துறை அமைச்சகத்திற்கு அறிவுறுத்துகிறது.

“செப்டம்பர் 25-ந் தேதி நள்ளிரவு முதல் தொடங்கி 46 நாட்கள் கண்டிப்பாக நாடு தழுவிய ஊரடங்கை மீண்டும் விதிக்க வேண்டும். நாட்டில் அத்தியாவசியப் பொருட்களின் விநியோகச் சங்கிலியைப் பராமரித்தல் குறித்து இதன்மூலம் திட்டமிட என்.டி.எம்.ஏ அமைச்சகத்திற்கு முன் அறிவிப்பை வெளியிடுகிறது” என அதில் கூறப்பட்டு இருந்தது.

போலியானது

இது குறித்து தேசிய பேரிடர் மேலாண்மை ஆணைய உத்தரவு போலியானது என்று பத்திரிகை தகவல் பணியகம் டுவீட் செய்து உள்ளது.