தமிழகத்தில் இன்று 1,725 பேருக்கு கொரோனா

1 min read

5 years ago Ponnu

Corona for 1,725 people in Tamil Nadu today

16/11/2020

தமிழகத்தில் இன்று மட்டும் 1,725 பேருக்கு கொரோனா கண்டறியப்பட்டுள்ளது.

தமிழகத்தில் கொரோனா

தமிழகத்தில் கொரோனா தொற்று படிப்படியாக குறைந்து வருகிறது. தற்போது கடந்த 4 நாட்களாக கொரோனா தொற்று 2 ஆயிரத்துக்கும் கீழே வருகிறது.

தமிழகத்தில் இன்றைய கொரோனா நிலவரம் பற்றி சுகாதாரத்துறை வெளியிட்டுள்ள செய்தி வருமாறு:-

தமிழகத்தில் மேலும் 1,725 பேருக்கு கொரோனா கண்டறியப்பட்டுள்ளது. இதில் சென்னையில் மட்டும் 497 பேருக்கு கொரோனா கண்டறியப்பட்டுள்ளது.
சென்னையில் 29-வது நாளாக ஆயிரத்திற்கும் கீழ் கொரோனா பாதிப்பு பதிவாகி உள்ளது. சென்னையில் கொரோனா பாதிப்பு உறுதியானோர் எண்ணிக்கை 2,08,668லிருந்து 2,09,187 ஆக உயர்ந்துள்ளது.

டிஸ்சார்ஜ்

தமிழகத்தில் இன்று 2,384 பேர் கொரோனாவில் இருந்து குணமாகி டிஸ்சார்ஜ் செய்யப்பட்டனர். இதனால் கொரோனாவில் இருந்து குணமடைந்தோர் எண்ணிக்கை 7,30,272-ல் இருந்து 7,32,656 ஆக அதிகரித்துள்ளது.

17 பேர் சாவு

தமிழகத்தில் இன்று 17 பேர் கொரோனாவால் இறந்துள்ளனர். இதில் அரசு ஆஸ்பத்திரிகளில் 8 பேரும் தனியார் ஆஸ்பத்திரிகளில் 9 பேரும் அனுமதிக்கபட்டவர்கள் ஆவர். தமிழகத்தில் கொரோனாவால் உயிரிந்தவர்களின் எண்ணிக்கை 11,495 ஆக அதிகரித்துள்ளது. சென்னையில் மட்டும் கொரோனாவால் இதுவரை 3,772 பேர் இறந்துள்ளனர்.

தமிழகத்தில் கொரோனாவுக்கு 16,765 பேர் மருத்துவமனைகளில் சிகிச்சை பெற்று வருகின்றனர். தமிழகத்தில் மேலும் 62,982 பேருக்கும், இதுவரை 1,08,54,878 பேருக்கு கொரோனா பரிசோதனை செய்யப்பட்டுள்ளது.

தமிழகத்தில் மேலும் 63,777 மாதிரிகளும், இதுவரை 1,11,36,662 மாதிரிகளும் பரிசோதனை செய்யப்பட்டுள்ளது. தமிழகத்தில் கொரோனா பாதிப்பு உறுதி செய்யப்பட்டோர் எண்ணிக்கை 7,58,191லிருந்து 7,59,916 ஆக உயர்ந்துள்ளது.

மேற்கண்ட தகவலை தமிழக சுகாதாரத்துறை அறிவித்துள்ளது.