இந்தியாவில் கொரோனா பாதிப்பு 70,421 ஆக குறைந்தது

1 min read

4 years ago Balan A

The incidence of corona in India has dropped to 70,421

14.6.2021
இந்தியாவில் தினசரி கொரோனா பாதிப்பு 70,421 பேராக குறைந்தது. ஒரு நாளில் 3921 பேர் கொரோனாவுக்கு இறந்துள்ளனர்.

கொரோனா குறைகிறது

இந்தியாவில் கொரோனா வைரசின் 2ம் அலை கடுமையான பாதிப்புகளை ஏற்படுத்திய நிலையில், தற்போது வைரஸ் பரவல் வெகுவாக குறைந்துள்ளது. குணமடைவோரின் எண்ணிக்கையும் உயர்கிறது. பாதிப்பு குறைந்ததையடுத்து ஊரடங்கு கட்டுப்பாடுகளை தளர்த்தப்பட்டு இயல்புநிலைக்கு திரும்புகின்றன. அதேசமயம் உயிரிழப்பு ஏற்ற இறக்கமாக உள்ளது.

இந்த நிலையில், இந்தியாவில் கொரோனா பாதிப்பு நிலவரம் குறித்து இன்று காலை மத்திய சுகாதார அமைச்சகம் வெளியிட்ட தகவல்கள் வருமாறு:-

இந்தியாவில் இன்று காலை வரை கடந்த 24 மணி நேரத்தில் 70,421 பேருக்கு கொரோனா தொற்று உறுதி செய்யப்பட்டுள்ளது. இது கடந்த 72 நாட்களில் மிகக்குறைந்த பாதிப்பு ஆகும். மொத்த பாதிப்பு 2,95,10,410 ஆக உயர்ந்துள்ளது.

3921 பேர் சாவு

நாடு முழுவதும் ஒரே நாளில் 3921 பேர் கொரோனாவுக்கு பலியாகி உள்ளனர். இதன்மூலம் கொரோனா வைரசால் இதுவரை உயிரிழந்தவர்களின் மொத்த எண்ணிக்கை 3,74,305 ஆக உயர்ந்துள்ளது.

கொரோனா பாதிப்பில் இருந்து குணமடைந்தவர்களின் எண்ணிக்கை 2,81,62,947 ஆக உயர்ந்துள்ளது. நேற்று ஒரே நாளில் 1,19,501 பேர் குணமடைந்துள்ளனர். உயிரிழப்பு 1.27 சதவீதமாக உள்ளது. குணமடையும் விகிதம் 95.43 சதவீதமாக உயர்ந்துள்ளது.

தற்போது கொரோனாவுக்கு சிகிச்சை பெறுவோர் எண்ணிக்கை 10 லட்சத்தை விட குறைந்தது. நாடு முழுவதிலும் உள்ள பல்வேறு மருத்துவமனைகளில் 9,73,158 பேர் சிகிச்சை பெற்றுவருகின்றனர். நாடு முழுவதும் நேற்று முன்தினம் வரை பொதுமக்களுக்கு 25,48,49,301 டோஸ்கள் தடுப்பூசி போடப்பட்டுள்ளது.