கொரோனா தடுப்பூசி இலவசமாக கிடைக்கும்- உலக சுகாதார அமைப்பு ஆராய்ச்சியாளர் தகவல்

The corona vaccine is available for free- World Health Organization researcher toled

15-8-2020

“விரைவில் கொரோனா தடுப்பூசி மக்களுக்கு இலவசமாக கிடைக்கும்,” என, உலக சுகாதார அமைப்பின் ஆராய்ச்சியாளர் டாக்டர் சவுமியா சாமிநாதன் கூறினார்.

டாக்டர் சவுமியா சாமிநாதன்

நாட்டின் 74வது சுதந்திர தின விழாவை முன்னிட்டு, சென்னையில் முதல்-அமைச்சர் விருதுகள் வழங்கப்பட்டன. விழாவில் உலக சுகாதார அமைப்பின் ஆராய்ச்சியாளர் டாக்டர் சவுமியா சாமிநாதனுக்கு முதல்-அமைச்சரின் சிறப்பு விருது வழங்கப்பட்டது. கோவிட்-19 ஒழிப்புப் பணிக்காக முதல்-அமைச்சரின் இந்த சிறப்பு விருதை முதல்-அமைச்சர் எடப்பாடி பழனிசாமி வழங்கினார்.விருதைப்பெற்ற பின், டாக்டர் சவுமியா சாமிநாதன் நிருபர்களிடம் கூறியதாவது:-

இலவச தடுப்பூசி

உலக அளவில் கொரோனா பாதிப்பு அதிகம் காணப்படும் முதல் 3 நாடுகளில் இந்தியாவும் இடம் பெற்றுள்ளது. உலகம் முழுவதும் கொரோனாவுக்கு எதிரான தடுப்பு மருந்துக்கான ஆராய்ச்சி நடந்து வருகிறது. உலக அளவில் 200 தடுப்பூசிகளுக்கு மேல் ஆராய்ச்சியில் உள்ளன. நமது நாட்டில், 8 நிறுவனங்கள் அதற்கான முயற்சி எடுத்து வருகின்றன. அதற்கு அரசும் உதவி வருகிறது. பொதுமக்கள் அச்சம் கொள்ள வேண்டாம். விரைவில் இலவசமாக தடுப்பூசி கிடைக்கும். அதற்கான நிதி திரட்டலில் அனைவரும் ஈடுபட்டுள்ளனர்.

இவ்வாறு டாக்டர் சவுமியா சாமிநாதன் கூறினார்.

About Author

Ponnu

See author's posts