பாலியல் குற்றச்சாட்டு; தமிழ்நாடு பாஜக பொதுச் செயலாளர் பொறுப்பில் இருந்து கே.டி.ராகவன் ராஜினாமா

1 min read

4 years ago Balan A

Sexual harassment; KD Raghavan resigns as BJP general secretary

24//2021
பாலியல் குற்றச்சாட்டு வீடியோ காரணமாக தமிழக பாஜக பொதுச் செயலாளர் பொறுப்பில் இருந்து கே.டி.ராகவன் ராஜினாமா செய்துள்ளார்.

கே.டி.ராகவன்

தமிழ்நாடு பாரதீய ஜனதா கட்சியின் பொதுச் செயலாளராக கே.டி.ராகவன் பொறுப்பு வகித்துவந்தார். இந்த நிலையில், இன்று (செவ்வாய்க்கிழமை) அவர் மீது பாலியல் குற்றச்சாட்டு சுமத்தப்பட்டு வீடியோ ஒன்று சமூக வலைதளங்களில் வெளியானது.

இதைத் தொடர்ந்து அவர், பொதுச் செயலாளர் பொறுப்பை ராஜினாமா செய்வதாக அறிவித்துள்ளார்.

இது தொடர்பாக, நேற்று அவர் தன் டுவிட்டர் பக்கத்தில் கூறியுள்ளதாவது:

களங்கப்படுத்த…

தமிழக மக்களுக்கும், கட்சியினருக்கும் நான் யாரென்று தெரியும். என்னைச் சார்ந்தவர்களுக்கும் நான் யார் என்று தெரியும். நான் 30 வருடங்களாக எந்த ஒரு பிரதிபலனும் இன்றி பணியாற்றி வருகிறேன். இன்று காலை சமூக வலைதளங்களில் என்னைப் பற்றி ஒரு வீடியோ வெளிவந்ததை அறிந்தேன்.

என்னையும் என் கட்சியையும் களங்கப்படுத்த இந்த வீடியோ வெளியிடப்பட்டுள்ளது. இன்று மாநிலத் தலைவர் அண்ணாமலையைச் சந்தித்து ஆலோசனை செய்தேன். நான் என்னுடைய கட்சிப் பொறுப்பை ராஜினாமா செய்கிறேன். குற்றச்சாட்டுகளை மறுக்கிறேன். சட்டப்படி சந்திப்பேன். தர்மம் வெல்லும்.

இவ்வாறு கே.டி.ராகவன் பதிவிட்டுள்ளார்.