மத்திய அரசில் 8.72 லட்சம் காலி பணியிடங்கள்

1 min read

3 years ago Balan A

8.72 lakh vacancies in Central Government

4.2.2022
மத்திய அரசு துறைகளில் 8 லட்சத்து 72 ஆயிரத்து 243 காலி பணியிடங்கள் உள்ளதாக மாநிலங்களவையில் தெரிவிக்கப்பட்டுள்ளது.

காலிபணியிடங்கள்

நாடாளுமன்ற மாநிலங்களவையில் கேள்வி நேரத்தின் போது மத்திய அரசு பணியிடங்கள் தொடர்பான கேள்விக்கு மத்திய பணியாளர் நலத்துறை இணை மந்திரி ஜிதேந்திரசிங், எழுத்துமூலம் அளித்த பதில் வருமாறு:-

கடந்த 2020-ம் ஆண்டு மார்ச் 1-ந் தேதி நிலவரப்படி, ஒன்றிய அரசு துறைகளில் 8 லட்சத்து 72 ஆயிரத்து 243 காலி பணியிடங்கள் உள்ளன. மத்திய பணியாளர் தேர்வாணையம், எஸ்.எஸ்.சி, ரெயில்வே தேர்வு வாரியம் ஆகியவை கடந்த 2018-19 மற்றும் 2020-2021 நிதியாண்டுகளில் 2 லட்சத்து 65 ஆயிரத்து 468 ஊழியர்களை தேர்வு செய்துள்ளன.

சிவில் சர்வீசஸ் தேர்வுகளை நடத்தும் மத்திய பணியாளர் தேர்வாணையத்தில் (யு.பி.எஸ்.சி.) 485 காலி பணியிடங்கள் உள்ளன. காலியிடங்களை நிரப்புவது ஒரு தொடர் நடவடிக்கையாக நடந்து வருகிறது.

இவ்வாறு அவர் கூறினார்.