மதுரையில் கட்சியின் முதல் மாநாடு: பிறந்தநாளில் நடத்த விஜய் திட்டம்

Party’s first conference in Madurai: Vijay plan to hold on birthday

10.5.2024
விஜய் கடந்த பிப்ரவரி மாதம் 2-ம் தேதி ‘தமிழக வெற்றிக் கழகம்’ என்ற கட்சியைத் தொடங்கினார். தேர்தல் ஆணையம் அங்கீகாரம் வழங்கியதும் கட்சியின் கொடி, சின்னம் அறிவிக்கப்படும் என்று அவர் அறிவித்துள்ளார். தேர்தல் ஆணையத்திலும் தனது கட்சியை பதிவு செய்துள்ள விஜய் வரும் 2026 சட்டமன்ற தேர்தல்தான் இலக்கு என அறிவித்தார்
இந்த மக்களவைத் தேர்தலில், தான் போட்டியிடப் போவதில்லை எனவும் யாருக்கும் ஆதரவு கொடுக்க மாட்டோம் எனவும் கூறினார். இடைப்பட்ட இந்த 2 வருடங்களில் கட்சியைப் பலப்படுத்தும் பணிகளில் ஈடுபடப் போவதாகவும் அவர் கூறினார்.
இந்நிலையில் விஜய்யின் தமிழக வெற்றிக் கழகத்தின் முதல் மாநாடு குறித்த தகவல் வெளியாகியுள்ளது. நடிகர் விஜய் அடுத்த மாதம் 22-ம் தேதி தனது பிறந்தநாளை கொண்டாடுகிறார். பிறந்தநாளையொட்டி மதுரையில் தனது கட்சி சார்பில் முதல் பிரமாண்டமான மாநாடு நடத்த விஜய் திட்டமிட்டுள்ளதாக கூறப்படுகிறது. இந்த மாநாட்டுக்கு தமிழகம் முழுவதிலும் இருந்து விஜய்யின் ஒட்டுமொத்த ரசிகர்களும் திரண்டு வந்து கலந்து கொள்ள இருப்பதாகவும் தெரிகிறது.

About Author

Balan A

See author's posts