பொருளாதார ஆய்வறிக்கையில் ‘ரூ’ – தமிழை முதன்மைப்படுத்திய முதல்-அமைச்சர்

Chief Minister M.K. Stalin released the Economic Survey of Tamil Nadu.

பொருளாதார ஆய்வு அறிக்கையை தமிழ்நாடு அரசு வெளியிடுவது இதுவே முதல்முறை ஆகும்.

அந்த பொருளாதார ஆய்வறிக்கையில், “தமிழ்நாடு நாட்டின் பொருளதார வளர்ச்சி 2024 – 2025ம் ஆண்டில் 8 சதவீதத்திற்கு மேல் இருக்கும். 2021 – 2022முதல் பொருளாதார வளர்ச்சி 8 சதவீதம் அல்லது அதற்கு என்ற அடிப்படையில் நிலையாக உள்ளது. 1 டிரில்லியன் அமெரிக்க பொருளாதாரம் என்ற இலக்கை எட்ட தமிழக அரசின் பொருளதார வளர்ச்சி ஆண்டு தோறும் 12 சதவீதம் என்ற அடிப்படையில் இருக்க வேண்டும். 2023 – 2024 ம் நிதியாண்டில் தமிழ்நாட்டின் மொத்த உள்நாட்டு உற்பத்தி 27.22 லட்சம் கோடியாக உள்ளது. இதன்படி பொருளதார வளர்ச்சி 8.23 சதவீதமாக உள்ளது.மாநிலத்தின் மக்கள் தொகையில் 31.8% உள்ள வடக்கு மண்டலம், GSDP-யில் 36.6% என்ற அதிகபட்ச பங்களிப்பை வழங்குகிறது.

22.8% மக்கள்தொகை கொண்ட மேற்கு மண்டலம் GSDP-யில் 29.6% பங்களிப்பை வழங்குகிறது. 20.5% மக்கள்தொகை பங்கைக் கொண்டுள்ளது தெற்கு மண்டலம் GSDP க்கு 18.8% பங்களிக்கிறது. கிழக்கு மண்டலம், 25.5% மக்கள்தொகையுடன், 15.1% இல் மிகக் குறைந்த GSDP பங்கைக் கொண்டுள்ளது.கொரோனா தொற்றுக்குப் பிறகு தமிழ்நாட்டில் சேவைத்துறை வலுவான மீட்சியைக் கண்டுள்ளது. அதன்படி, 2021-22 மற்றும் 2023-24 க்கு இடையில், ரியல் எஸ்டேட் (9.41%), வர்த்தகம், பழுதுபார்ப்பு, ஹோட்டல்கள் மற்றும் உணவகங்கள் (7.98%) மற்றும் போக்குவரத்து மற்றும் சேமிப்பு (7.67%) ஆகியவற்றின் விரைவான விரிவாக்கத்தால் இந்தத்துறை 7.97% வளர்ச்சியடைந்துள்ளது. 2021-22 மற்றும் 2023-24 க்கு இடையில் உற்பத்தித் துறை 8.33% வளர்ச்சி அடைந்துள்ளது கட்டுமானத் துறை 9.03% வளர்ச்சி அடைந்துள்ளது. போக்குவரத்து உபகரணங்கள், ரப்பர் மற்றும் பிளாஸ்டிக் பொருட்கள், மோட்டார் வாகனங்கள், ரசாயனங்கள் உள்ளிட்ட பல துணைத் துறைகள் இரட்டை இலக்க வளர்ச்சியை பெற்றுள்ளது.
தமிழ்நாடு இந்தியாவில் மிக உயர்ந்த தனிநபர் வருமானங்களில் ஒன்றாக இருந்து வருகிறது, இது வலுவான பொருளாதார அடித்தளத்தையும் பன்முகப்படுத்தப்பட்ட தொழில்துறை மற்றும் சேவைத் துறைகளையும் பிரதிபலிக்கிறது. 2023-24ம் ஆண்டில், தமிழ்நாட்டின் தனிநபர் வருமானம் ரூ.3.15 லட்சமாக இருந்தது, இதனால் நாட்டின் சிறந்த மாநிலங்களில் ஒன்றாக தமிழ்நாடு இடம்பிடித்தது. மாநிலத்தின் தனிநபர் வருமானம் தேசிய சராசரியை விட சற்று அதிகமாக உள்ளது.மற்ற முக்கிய பொருளாதாரங்களுடன் ஒப்பிடும்போது, தமிழ்நாட்டின் தனிநபர் வருமானம், கொள்முதல், சக்தி சமநிலை (PPP)க்கு சரிசெய்யப்படும்போது, அர்ஜென்டினா மற்றும் துருக்கி போன்ற நாடுகளுடன் ஒப்பிடத்தக்கது. இருப்பினும், மாவட்டங்கள் முழுவதும் ஏற்றத்தாழ்வுகள் நீடிக்கின்றன, செங்கல்பட்டு மற்றும் காஞ்சிபுரம் தனிநபர் வருமானத்தில் முன்னணியில் உள்ளன, அதே நேரத்தில் சில தெற்கு மற்றும் கிழக்கு மாவட்டங்கள் மாநில சராசரியை விட குறைவாகவே உள்ளன” என்று அதில் கூறப்பட்டிருந்தது.
தமிழ்நாடு இந்தியாவில் மிக உயர்ந்த தனிநபர் வருமானங்களில் ஒன்றாக இருந்து வருகிறது, இது வலுவான பொருளாதார அடித்தளத்தையும் பன்முகப்படுத்தப்பட்ட தொழில்துறை மற்றும் சேவைத் துறைகளையும் பிரதிபலிக்கிறது. 2023-24ம் ஆண்டில், தமிழ்நாட்டின் தனிநபர் வருமானம் ரூ.3.15 லட்சமாக இருந்தது, இதனால் நாட்டின் சிறந்த மாநிலங்களில் ஒன்றாக தமிழ்நாடு இடம்பிடித்தது. மாநிலத்தின் தனிநபர் வருமானம் தேசிய சராசரியை விட சற்று அதிகமாக உள்ளது.மற்ற முக்கிய பொருளாதாரங்களுடன் ஒப்பிடும்போது, தமிழ்நாட்டின் தனிநபர் வருமானம், கொள்முதல், சக்தி சமநிலை (PPP)க்கு சரிசெய்யப்படும்போது, அர்ஜென்டினா மற்றும் துருக்கி போன்ற நாடுகளுடன் ஒப்பிடத்தக்கது. இருப்பினும், மாவட்டங்கள் முழுவதும் ஏற்றத்தாழ்வுகள் நீடிக்கின்றன, செங்கல்பட்டு மற்றும் காஞ்சிபுரம் தனிநபர் வருமானத்தில் முன்னணியில் உள்ளன, அதே நேரத்தில் சில தெற்கு மற்றும் கிழக்கு மாவட்டங்கள் மாநில சராசரியை விட குறைவாகவே உள்ளன” என்று அதில் கூறப்பட்டிருந்தது.

இந்நிலையில் ரூபாய் அடையாளக் குறியீட்டிற்கு (‘₹’)பதில் தமிழ் எழுத்தான ‘ரூ’ என்பதை முதல்-அமைச்சர் மு.க.ஸ்டாலின் முதன்மைப்படுத்தி உள்ளார். இதுதொடர்பாக அவர் தனது எக்ஸ்வலைதளத்தில், “சமூகத்தின் அனைத்துத் தரப்பினரும் பயன்பெறும் வகையில் தமிழ்நாட்டின் பரவலான வளர்ச்சியை உறுதி செய்திட… என்று கூறியிருப்பதோடு, பட்ஜெட்டை முன்னிட்டு ‘எல்லார்க்கும் எல்லாம்’ எனும் தலைப்பில் வீடியோ ஒன்றையும் பதிவிட்டுள்ளார்.

ரூபாய்க்கான அடையாளக் குறியீட்டிற்கு பதில், தமிழ் எழுத்தான ‘ரூ’ என்பதை முதன்மைப்படுத்தி இந்த பதிவு வெளியிடப்பட்டுள்ளது.

மொழி சர்ச்சை நீடிக்கும் நிலையில் தமிழ் மொழியை முதன்மைப்படுத்தி பட்ஜெட் இலச்சினை வெளியிடப்பட்டுள்ளது குறிப்பிடத்தக்கது.

About Author

Balan A

See author's posts