தி.மு.க. பொதுக்குழுவில் 48 வகையான சைவ-அசைவ உணவுகள்

1 min read

4 weeks ago Balan A

DMK General Assembly: 48 types of vegetarian and non-vegetarian dishes

1.6.2025
மதுரை உத்தங்குடியில் தி.மு.க. பொதுக்குழு கூட்டம் இன்று நடைபெற்றது.

உத்தங்குடியில் சுமார் 20 ஏக்கர் பரப்பளவில், கலைஞர் அறிவாலயம் முகப்பு தோற்றத்துடன் கூடிய பொதுக்குழு கூட்ட திடலின் முன்பாக வைக்கப்பட்டிருந்த 100 அடி உயர கம்பத்தில் தி.மு.க. கொடியை முதலமைச்சர் மு.க.ஸ்டாலின் ஏற்றி வைத்தார். பின்னர் சரியாக 10 மணிக்கு பொதுக்குழு கூட்டம் முதலமைச்சர் மு.க. ஸ்டாலின் தலைமையில் தொடங்கியது.

முன்னதாக கூட்டத்தில் 3 ஆயிரத்து 400 பொதுக்குழு உறுப்பினர்கள், தி.மு.க.வின் அமைப்பு ரீதியிலான 23 அணிகளின் நிர்வாகிகள், எம்.பி., எம்.எல்.ஏ.க்கள், தி.மு.க.வின் நிர்வாக ரீதியாக பிரிக்கப்பட்ட 76 மாவட்டச் செயலாளர்கள் என 7 ஆயிரத்திற்கும் மேற்பட்டோர் பங்கேற்றனர்.

தி.மு.க. பொதுக்குழு கூட்டத்தில் பங்கேற்றவர்களுக்கு முற்றிலும் குளிரூட்டப்பட்ட உணவுக்கூட அரங்கில் 48 வகையான சைவ, அசைவ உணவுக்கு சுடச்சுட பரிமாறப்பட்டன. இதற்கான நேற்று முதலே 2 ஆயிரத்திற்கும் மேற்பட்டோர் நியமிக்கப்பட்டு அதற்கான பணிகளை தொடங்கினர். தென்னகத்தில் தலைசிறந்த சமையல் கலைஞர்களை கொண்டு இந்த உணவுகள் தயார் செய்யப்பட்டன.

அதன்படி அசைவ உணவில் பன் அல்வா, மட்டன் எண்ணெய் சுக்கா, மட்டன் காடி சாப்ஸ், மட்டன் உப்புக்கறி, மட்டன் கோலா உருண்டை, மட்டன் ஒயிட் குருமா, வஞ்சிரமீன் வறுவல், நாட்டுக்கோழி மிளகு கறி, சிக்கன் 65, ஆம்லெட், மட்டன் பிரியாணி, எலும்பு குழம்பு, தயிர் வெங்காயம், எலும்பு தால்சா, சாதம், அயிரை மீன் குழம்பு, மட்டன் குழம்பு, ரசம், மோர், ஊறுகாய், ஐஸ்கிரீம், ஜிகிர்தண்டா, பீடா, வாழைப்பழம் இடம் பெற்றுள்ளது.

சைவ உணவில் குல்கந்து பர்பி, பனங்கற்கண்டு மைசூர்பா, கதம்ப பொரியல், உருளைக்கிழங்கு காரகறி, சவ்சவ் கூட்டு, சைவ சிக்கன் வறுவல், சைவ மீன் பிரை, வெண்டைக்காய் பிரை, காளிபிளவர் சில்லி, வெஜ் கட்லெட் (சாஸ்), பருப்பு வடை, சப்பாத்தி, சிப்பி காளான் குழம்பு, வெஜிடேபிள் பிரியாணி, ஆனியன் தயிர் பச்சடி, வெள்ளை சாதம், பருப்பு பொடி (நெய்), சாம்பார், எண்ணைய் கத்திரிக்காய் காரக்குழம்பு, தக்காளி ரசம், சேமியா பால் பாயாசம், அப்பளம், தயிர், இஞ்சி புளி ஊறுகாய் ஆகியவை இடம்பெற்றுள்ளது.