இந்தியாவில் கொரோனா தடுப்பூசி போடுவதில் யாருக்கு முன்னுரிமை?

Who is the preferred corona vaccine in India?

5/10/2020

இந்தியாவில் கொரோனா தடுப்பூசி அறிமுகப்படுத்தும்போது யார்-யாருக்கு முன்னுரிமை கொடுக்க வேண்டும் என்பது தொடர்பாக மத்திய அரசு விதிமுறை வகுத்துள்ளது.

கொரோனா தடுப்பூசி

கொரோனா தடுப்பூசிக்கான மருந்தை கண்டு பிடிக்கும் முயற்சியில் பல்வேறு நாடுகள் முயற்சி செய்து வருகின்றன. இந்தியாவும் சில மருந்துகளை கண்டு பிடித்துள்ளது. அதனை மனிதர்களுக்கு செலத்தி பரிசோதிக்கப்பட்டு வருகிறது.

இந்த நிலையில் கொரோனா தடுப்பூசி பொதுமக்கள் பயன்பாட்டுக்கு விரைவில் வரும் என்று கூறப்படுகிறது.
கொரோனா தடுப்பூசிகள் பாதுகாப்பாகவும், நிர்வாகத்திற்காகவும் சமமாக இருப்பதை உறுதி செய்ய, தடுப்பூசியை பெறுபவர்களில் முதன்மையாக இருக்கும் குழு தொடர்பான விவரங்களை அளிக்குமாறு மத்திய சுகாதார மற்றும் குடும்ப நல அமைச்சகம் மாநிலங்களுக்கு அறிவுறுத்தியது.

இது தொடர்பான விபரங்கள் குறித்து மத்திய சுகாதாரதுறை அமைச்சர் ஹர்ஷ் வர்தன் கூறியதாவது:-
இந்த மாத இறுதிக்குள் கொரோனா தொற்றுக்கான தடுப்பூசியை பெறும் முன்னுரிமை அளிக்கப்படும் நபர்கள் குறித்த பட்டியலை வழங்க மாநிலங்கள் பின்பற்ற வேண்டிய விதிமுறைகள் கொண்ட வடிவமைப்பை சுகாதாரதுறை தயாரித்துள்ளது.
முதற் கட்டமாக, மருத்துவர்கள், செவிலியர்கள், துணை மருத்துவர் மற்றும் சுகாதார பணியாளர்கள், நான்காம் நிலை ஊழியர்கள், ஆஷா போன்ற கள அளவிலான தொழிலாளர்கள் , பாதிப்புகளை கண்காணிக்கும் ஊழியர்கள் உட்பட அரசு மற்றும் தனியார் துறையில் முன்னணி சுகாதார பணியாளர்களாக இருக்கும் பணியாளர்களுக்கு தடுப்பூசி டோஸ் விநியோகிக்கப்படும்.
இவ்வாறு அவர் கூறினார். மேலும் அவர் கூறியதாவது:-

ஜூலை மாதம்

முன்னதாக 2021-ம் ஆண்டு ஜூலை மாதத்திற்குள் தடுப்பூசி கிடைக்க வாய்ப்பு உள்ளது. இதனால் நாடு 40 முதல் 50 கோடி வரை கொரோனா தடுப்பூசியை பெற்று பயன்படுத்திக் கொள்ளும். இந்த தடுப்பூசி மூலம் குறைந்தது 20 முதல் 25 கோடி நபர்களுக்கு தடுப்பூசி விநியோகிப்பதை சுகாதார அமைச்சகம் நோக்கமாகக் கொண்டிருந்தது. இது தனிநபர்களுக்கு நீண்டகால நோய் எதிர்ப்பு சக்தியை உறுதி செய்யும். அதில் தடுப்பூசியின் ஒவ்வொரு சரக்குகளும் தகுதியான பயனாளியை அடையும் வரை கண்காணிக்கப்படும். என்.ஐ.டி.ஐ. ஆயோக் தலைமையிலான ஒரு உயர்மட்டக் குழு தடுப்பூசிகளை வாங்குவது மற்றும் நிர்வகிப்பது தொடர்பான தளவாடங்களை சுத்தப்படுத்தியது.
தடுப்பூசி உற்பத்தியாளர்களுடன் புரிந்துணர்வு ஒப்பந்தங்களில் நுழைவது குறித்து குழு கவனம் செலுத்துவதோடு, தடுப்பூசி கொண்டு செல்வதற்கான தளவாடங்கள் மற்றும் விநியோக சங்கிலி மேலாண்மை தொடர்பான பிரச்சினைகளையும் தீர்க்கும். தடுப்பூசிகள் முன்பே தீர்மானிக்கப் பட்ட முன்னுரிமையின்படி மற்றும் திட்டமிடப்பட்ட முறையில் விநியோகிக்கப்படும். வெளிப்படைத்தன்மை மற்றும் பொறுப்புக் கூறலை உறுதி செய்வதற்காக, முழு செயல்முறையின் விவரங்களும் வரும் மாதங்களில் பகிரப்படும். இவ்வாறு மத்திய மந்திரி கூறினார்.