கன்னியாகுமரி இடைத்தேர்தலில் காங்கிரஸ் வேட்பாளர் விஜய் வசந்த் முன்னிலை

1 min read

3 years ago Balan A

Congress candidate Vijay Vasant leads in Kanyakumari by-election

கன்னியாகுமரி நாடாளுமன்ற தொகுதி இடைத்தேர்தலில் திமுக, காங்கிரஸ் கூட்டணியின் சார்பாக போட்டியிட்ட விஜய் வசந்த் ஒரு லட்சம் வாக்குகள் வித்தியாசத்தில் முன்னிலை வகித்து வருகிறார்.

அவரை எதிர்த்து பாஜக சார்பாக போட்டியிட்ட முன்னாள் மத்திய அமைச்சர் பொன் ராதாகிருஷ்ணன் பின்னடைவை சந்தித்து வருகிறார்.

இதுவரை விஜய் வசந்த் 5,67,280 வாக்குகளையும், அவரை எதிர்த்து பாஜக சாபாக போட்டியிட்ட பொன் ராதாகிருஷ்ணன் 4,32,906 வாக்குகளையும் பெற்றுள்ளார். இதனால், விஜய் வசந்த் 1,34,374 வாக்குகள் முன்னிலை பெற்றுள்ளார்.

2019ம் ஆண்டு நாடாளுமன்ற தேர்தலில் இந்த தொகுதியில் வெற்றிபெற்ற வசந்த் அண்ட் கோ வணிக நிறுவனரும் காங்கிரஸ் மூத்த தலைவருமான வசந்தகுமார், கடந்த ஆண்டு ஆகஸ்ட் மாதம் கொரோனா தொற்றுக்குப் பிந்தைய சிகிச்சையின்போது உயிரிழந்தார். இதனால், அவர் மக்களவைக்குதேர்வான கன்னியாகுமரி தொகுதி காலியானதாக அறிவிக்கப்பட்டது.