நாடு முழுவதும் 192 இண்டிகோ விமானங்கள் ரத்து

1 min read

2 years ago Balan A

192 Indigo flights canceled across the country

19/7/2024
மைக்ரோசாப்ட் குளறுபடி காரணமாக நாடு முழுவதும் 192 இண்டிகோ விமானங்கள் ரத்து செய்யப்பட்டுள்ளது.

விமான முன்பதிவு மற்றும் பணத்தை திரும்ப வழங்குவது தற்காலிகமாக நிறுத்தி வைக்கப்பட்டுள்ளதாக இண்டிகோ நிறுவனம் விளக்கம் அளித்துள்ளது.

பிரச்சினையை தீர்க்க மைக்ரோசாப்ட் உடன் இணைந்து செயல்பட்டு வருகிறோம் என்று இண்டிகோ நிறுவனம் தெரிவித்துள்ளது.

சென்னையை பொருத்தவரையில், மைக்ரோசாப்ட் சேவை முடங்கிய விவகாரத்தால், சென்னை விமான நிலையத்தில் இருந்து புறப்பட வேண்டிய 40க்கும் மேற்பட்ட விமானங்கள் தாமதமாக புறப்படும் என்றும் 8 விமானங்கள் ரத்து செய்யப்பட்டுள்ளதாக அறிவிக்கப்பட்டுள்ளது.

இதேபோல், பெங்களூரு விமான நிலையத்தின் முணையம்-1ல் இருந்து புறப்பட வேண்டிய 90 சதவீத விமான சேவை பாதிக்கப்பட்டுள்ளது.

விமான சேவை பாதிப்பு, நள்ளிரவு வரை தொடர வாய்ப்புள்ளதாக இண்டிகோ ஏர்லைன்ஸ் தெரிவித்துள்ளது.