தமிழகத்தில் கூடுதலாக 29,108 போலீஸ் பணியிடங்கள் உருவாக்கப்படும்

1 min read

1 hour ago Balan A

An additional 29,108 police posts will be created in Tamil Nadu.

3/9/2026
தமிழகத்தில் கூடுதலாக 29,108 போலீஸ் பணியிடங்கள் உருவாக்கப்படும்; 5 ஆயிரம் பெண் போலீசார் உள்பட 10 ஆயிரம் போலீசார் இந்த ஆண்டில் நியமனம் செய்யப்படும் என முதல்வர் விஜய் அறிவித்துள்ளார்.
சட்டசபையில் காவல்துறை மீதான மானிய கோரிக்கையை முதல்வர் விஜய் தாக்கல் செய்தார். அவர் வெளியிட்ட றிவிப்புகள் பின்வருமாறு:

தமிழகத்தில் கூடுதலாக 29,108 போலீஸ் பணியிடங்கள் உருவாக்கப்படும்.
5 ஆயிரம் பெண் போலீசார் உள்பட 10 ஆயிரம் போலீசார் இந்த ஆண்டில் நியமனம் செய்யப்படும்.
கூடுதல் போலீஸ் பணியிடங்கள் அடுத்த 5 ஆண்டுகளில் உருவாக்கப்படும்.
காவல்துறையை நவீனமயமாக்க ரூ.212 கோடி ஒதுக்கீடு செய்யப்படும்.
போலீஸ் ஸ்டேஷன்களுக்கு சில்லறை செலவினம் உயர்த்தி வழங்கப்படும்.
சேலம் மற்றும் விழுப்புரத்தில் உள்ள தடய அறிவியல் ஆய்வகத்தில் ரூ.14 கோடியில் டிஎன்ஏ பரிசோதனை மையம் அமைக்கப்படும்.
போதைப் பொருள் பயன்பாட்டை வெற்றிகரமாக ஒழிக்கும் கிராமம் ஒன்றுக்கு 10 லட்ச ரூபாய் வீதம் 50 கிராமங்களுக்கு வழங்கப்படும்.
பணியின் போது துணிச்சலாக பணியாற்றி உயிரிழக்கும் போலீஸ்காரர் குடும்பங்களுக்கு 1 கோடி ரூபாய் உதவித்தொகையாக வழங்கப்படும்.
பணிக்காலத்தில் இறக்கும் போலீஸ்காரர் குடும்பங்களுக்கு வழங்கப்படும் கருணைத் தொகை 30 லட்ச ரூபாயாக உயர்த்தி வழங்கப்படும்.
200 கோடி ரூபாய் செலவில் போலீசாருக்கு புதிய வாகனங்கள் வழங்கப்படும்.
செயற்கை நுண்ணறிவு, டிஜிட்டல் தடயவியல், நிகழ்நேர கண்காணிப்பு மற்றும் நவீன கட்டுப்பாட்டு மையங்கள் உருவாக்கப்படும்.
தமிழக போலீஸ் அகாடமியில் ரூ.23 கோடி செலவில் நவீன விளையாட்டு வசதிகள் ஏற்படுத்தப்படும்.
6 இடங்களில் ரூ.16 கோடி செலவில் புதிய தீயணைப்பு மற்றும் மீட்பு நிலையங்கள் அமைக்கப்படும். 10 இடங்களில் 131 புதிய குடியிருப்புகள், ரூ.80 கோடி செலவில் கட்டப்படும்.