புதுச்சேரி தேர்தல்; அதிமுக வேட்பாளர் பட்டியல்

1 min read

5 years ago Balan A

Puducherry election; AIADMK candidate list

16.3.2021
புதுச்சேரியில் அதிமுக சார்பாக போட்டியிடும் 5 தொகுதிகளுக்கான வேட்பாளர்கள் பட்டியல் அறிவிக்கப்பட்டுள்ளது.

புதுவை அதிமுக

தமிழ்நாடு, புதுச்சேரி ஆகிய மாநிலங்களில் ஏப்ரல் 6ந் தேதி ஒரே கட்டமாக தேர்தல் நடைபெற உள்ளது. 30 சட்டமன்றத் தொகுதிகள் உள்ள புதுச்சேரியைப் பொறுத்தவரையில், காங்கிரஸ், தி.மு.க, விடுதலைச் சிறுத்தைகள் ஆகிய கட்சிகள் கூட்டணி அமைத்து தேர்தலை எதிர்கொள்கின்றன. மறுபுறம் என்.ஆர்.காங்கிரஸ் தலைமையில், பா.ஜ.க, அ.தி.மு.க கூட்டணி அமைத்து போட்டியிடுகின்றன.

புதுச்சேரியில் காங்கிரஸ் 15 தொகுதிகளிலும், தி.மு.க 13 தொகுதிகளிலும், விடுதலைச் சிறுத்தைகள், கம்யூனிஸ்ட் கட்சி தலா ஒரு தொகுதியிலும் போட்டியிடுகிறது. அதேபோல, என்.ஆர்.காங்கிரஸ் 16 தொகுதிகளிலும், பா.ஜ.க 9 தொகுதிகளிலும், அ.தி.மு.க 5 தொகுதிகளிலும் போட்டியிடுகிறது.

வேட்பாளர் பட்டியல்

இந்த நிலையில் புதுச்சேரியில் அதிமுக சார்பாக போட்டியிடும் 5 தொகுதிகளுக்கான வேட்பாளர்கள் பட்டியல் அறிவிக்கப்பட்டுள்ளது.
உப்பளம் தொகுதியில் அன்பழகன், உருளையன்பேட்டை தொகுதியில் ஓம் சக்திசேகர், முத்தியால்பேட்டை தொகுதியில் வையாபுரி மணிகண்டன், முதலியார்பேட்டை தொகுதியில் பாஸ்கர், காரைக்கால் தெற்கு தொகுதியில் அசனா ஆகியோரும் வேட்பாளர்களாக அறிவிக்கப்பட்டுள்ளனர்.