ரஜினி சினிமா பயணத்தின் 45 -ம் ஆண்டு நிறைவு-ரசிகர்களுக்கு நன்றி

1 min read

5 years ago Ponnu

Thank you to the fans for the 45th anniversary of Rajini Cinema fild

9-8-2020

நடிகர் ரஜினிகாந்த் அபூர்வ ராகங்கள் படத்தின் மூலம் சனிமா உலகுக்கு அறிமுகம் ஆனார். இந்தப்படத்தில் கே.பாலச்சந்தர்தான் ரஜினிகாந்தை அறிமுகம் செய்தார்.
ரஜினியின் சினிமா பயணம் தொடங்கி 45 ஆண்டுகளை நிறைவு செய்யவுள்ளதை ரசிகர்கள் கொண்டாட தொடங்கி உள்ளனர். வருகிற 15-ந் தேதி அபூர்வ ராகங்கள் படம் ரிலீசாகி 45 ஆண்டுகள் நிறைவடைய உள்ளது.

அதனை கொண்டாடும் விதமாக, மோகன் லால் முதல் ஸ்ரேயா வரை பல திரை பிரபலங்களை வைத்து காமன் டிபியை ரஜினி ரசிகர்கள்
வெளியிட்டு “45YearsOfRajinismCDP ” ஹாஷ்டேக்கை டிரெண்ட் செய்து வருகின்றனர்.

ரஜினிகாந்தின் 45 ஆண்டுகால திரை வாழ்க்கையை கொண்டாடும் விதமாக அவரது ரசிகர்கள் பலவிதமான ஏற்பாடுகளை செய்து வருகின்றனர்.
அதன் முதல் கட்டமாக 45 வருட கொண்டாட்ட காமன் டிபியை தற்போது தென்னிந்திய திரை பிரபலங்களை வைத்து வெளியிடுகின்றனர்.

இன்று (ஆகஸ்ட் 9) ரஜினியின் 45 ஆண்டுகள் கொண்டாட்டத்தை முன்னிட்டு,
மோகன்லால், மம்மூட்டி, சிவகார்த்திகேயன் தொடங்கி முன்னணி நடிகர்கள் ஒன்றிணைந்து போஸ்டர் ஒன்றை வெளியிட்டுள்ளனர்.

நடிகர் ரஜினிகாந்த் இன்று(ஞாயிற்றுக்கிழமை) தனது டுவிட்டர் பக்கத்தில் கூறியிருப்பதாவது”-
என்னுடைய திரையுலகப் பயணத்தின் நாற்பத்தைந்து ஆண்டுகள் நிறைவு பெறும் இந்நாளில், என்னை வாழ்த்திய நல் இதயங்களுக்கும்,
என்னை வாழ வைக்கும் தெய்வங்களான ரசிகப் பெருமக்களுக்கும், என்னுடைய இதயம் கனிந்த நன்றி…
“நீங்கள்இல்லாமல்நான்_இல்லை” .
இவ்வாறு அவர் கூறியுள்ளார்..

நடிகர் ரஜினியின் டுவிட்டையடுத்து #நீங்கள்இல்லாமல்நான்_இல்லை என்ற ஹேஷ்டேக் டுவிட்டரில் டிரண்ட் ஆகி வருகிறது.