சித்தி-2 தொடரில் இருந்து ராதிகா திடீர் விலகல்

1 min read

4 years ago Balan A

Radhika abrupt departure from Chithi- 2 series

13.2.2021
சித்தி 2 தொடரில் இருந்து ராதிகா திடீரென்று விலக முடிவு செய்துள்ளார்.

நடிகை ராதிகா

நடிகை ராதிகா சினிமாவில் மட்டுமல்ல டெலிவிஷன் தொடர்களிலும் புகழ் கொடி நாட்டி வருகிறர். இவர் நடித்த சித்தி தொடர் மக்களிடம் பெரும் வரவேற்பை பெற்றது. அந்தத் தொடர் மறு ஒளிபரப்பு ஆனபோதும் பல வீடுகளில் இந்த தொடர் ஓடிக்கொண்டிருந்து.
ரசிகர்களிடம் பெரும் வரவேற்பைப் பெற்ற ‘சித்தி’ தொடரின் இரண்டாம் பாகம் தனியார் தொலைக்காட்சியில் தற்போது ஒளிபரப்பாகி வருகிறது. இந்தத் தொடரில் முக்கியக் கதாபாத்திரம் ஏற்று நடிகை ராதிகா நடித்து வந்தார்.

விலகல்

இந்த நிலையில் சீரியல் நடிப்பிலிருந்து விலகுவதாக அறிவித்து இருக்கிறார். இது சின்னத்திரை வட்டாரத்தில் பெரும் பரபரப்பை ஏற்படுத்தி உள்ளது.
இது தொடர்பாக ராதிகா தரப்பில் கூறியதாவது:&
சில வாரங்களுக்கு முன்பே எடுத்த முடிவுதான் இது. அடுத்தடுத்த சில காலம் தீவிர அரசியலில் கவனம் செலுத்த இருப்பதால் ராதிகா இந்த முடிவை எடுத்துள்ளார். சினிமா நடிப்பில் எப்போதும்போல கவனம் செலுத்துவார். அதேபோல, அவரது தயாரிப்பில் ஒளிபரப்பாகி வரும் ‘சித்தி 2’ சீரியல் தொடர்ச்சியாக ஒளிபரப்பாகும். அவர் சீரியலில் நடிப்பதை மட்டுமே தற்போது நிறுத்தியுள்ளார்.
இவ்வாறு அவர்கள் கூறினார்கள்.