பழம்பெரும் நடிகர் ரிஷி கபூர் திடீர் மரணம்
1 min read
ரிஷிகபூர் திடீர் மரணம்
பழம்பெரும் ஹிந்தி நடிகரான ராஜ் கபூரின் இரண்டாவது மகனும், நடிகர் ரன்பிர் கபூரின் தந்தையுமான நடிகர் ரிஷி கபூர் கடந்த 2018- ஆம் ஆண்டு புற்றுநோயால் பாதிக்கப்பட்டார். இதற்காக அவர் கடந்த ஒரு வருடமாக அமெரிக்காவின் நியூயார்க்கில் உள்ள மருத்துவமனையில் சிகிச்சை பெற்றுவந்தார்.
இதையடுத்து கடந்த செப்டம்பர் மாதம் அவர் அமெரிக்காவில் இருந்து இந்தியா திரும்பினார். பின்னர் மும்பையில் உள்ள அவரது வீட்டில் குடும்பத்தினருடன் வசித்து வந்த 67 வயதான ரிஷி கபூருக்கு ஏப்ரல் 29ம் தேதி திடீரென மூச்சுத்திணறல் ஏற்பட்டதையடுத்து, அவர் உடனடியாக மும்பையில் உள்ள ஹெச்.என். ரிலையன்ஸ் மருத்துவமனையில் அனுமதிக்கப்பட்டுள்ளார். அங்கு அவருக்குத் தீவிர சிகிச்சை அளிக்கப்பட்டு வந்த நிலையில் 30ம் தேதி மூச்சுத்திணறல் காரணமாக மருத்துவமனையில் அனுமதிக்கப்பட்டிருந்த ரிஷி கபூர் சிகிச்சை பலனின்றி உயிரிழந்தார்.
ரிஷி கபூர் இறந்த செய்தி அறிந்த பாலிவுட் பிரபலங்களும், ரசிகர்களும் கவலையில் ஆழ்ந்துள்ளனர். 2018ம் ஆண்டில் இருந்து புற்றுநோயுடன் போராடி வந்த பாலிவுட் நடிகர் இர்ஃபான் கான் 29ம் தேதி உயிர் இழந்தார்.
அந்த அதிர்ச்சியில் இருந்து பாலிவுட்காரர்கள் மீண்டு வருவதற்குள் ரிஷி கபூர் மரணம் அடைந்துள்ளார். இரண்டு நாட்களில் இரண்டு பிரபலங்களை பறிகொடுத்துவிட்டு பாலிவுட் ரசிகர்கள் கவலையில் இருக்கிறார்கள்.
About Author
