தமிழகத்தில் இன்று 471 பேருக்கு கொரோனா; ஒருவர் மட்டுமே சாவு

1 min read

4 years ago Balan A

Corona for 471 people in Tamil Nadu today; Only one death

7.2.2021

தமிழகத்தில் இன்று 471 பேருக்கு கொரோனா தொற்று கண்டறியப்பட்டு உள்ளது. இன்று கொரோனாவுக்கு ஒருவர் மட்டுமே இறந்துள்ளனர்.

தமிழகத்தில் கொரோனா

தமிழகத்தில் கொரோனா பரவல் குறைந்து வருகிறது. இன்றும் தொடர்ந்து 500க்கும் கீழேதான் கொரோனா தொற்று கண்டறியப்பட்டு உள்ளது. இன்றை கொரோனா நிலவரம் பற்றி தமிழக சுகாதாரத்துறை வெளியிட்ட தகவல்கள் வருமாறு:&
தமிழகத்தில் இன்று (ஞாயிற்றுக்கிழமை) 471 பேருக்கு கொரோனா தொற்று கண்டறியப்பட்டு உள்ளது. தமிழகத்தில் இதுவரை கொரோனாவால் பாதிக்கப்பட்டவர்களின் மொத்த எண்ணிக்கை 8 லட்சத்து 41 ஆயிரத்து 797 ஆக உயர்ந்துள்ளது.
இன்றைய தினம் தமிழகத்தில் 498 பேர் கொரோனாவில் இருந்து குணமடைந்துள்ளனர். இவர்களையும் சேர்த்து கொரோனாவில் இருந்து குணமடைந்தோர் மொத்த எண்ணிக்கை 8 லட்சத்து 25 ஆயிரத்து 25 ஆக உயர்ந்துள்ளது.
இன்று தமிழகத்தில் கொரோனாவுக்கு ஒருவர் மட்டுமே இறந்துள்ளனர். இவரையும் சேர்த்து கொரேனாவுக்கு இறந்தவர்களின் மொத்த எண்ணிக்கை 12 ஆயிரத்து 383 ஆக உள்ளது.
தற்போது 4,389 பேர் கொரோனாவுக்கு ஆஸ்பத்திரிகளில்சிகிச்சை பெற்று வருகின்றனர்.
சென்னையில் இன்று ஒரே நாளில் 151 பேருக்கு கொரோனா தொற்று கண்டறியப்பட்டு உள்ளது. இதுவரை சென்னையில் மொத்தம் 232316 பேர் கொரோனாவால் பாதிக்கப்பட்டுள்ளனர்.
தமிழகத்தில் இதுவரை 1,63,88,243 பேருக்கு கொரோனா பரிசோதனை செய்யப்பட்டுள்ளது. இன்று மட்டும் 53,530 மாதிரிகள் கொரோனா பரிசோதனை செய்யப்பட்டுள்ளது.
மேற்கண்ட தகவலை தமிழக சுகாதாரத்துறை தெரிவித்து உள்ளது.