GDP growth to be between 6.3 and 6.8 percent – Economic Survey report

31.1.2025
பாராளுமன்றத்தில் இன்று மத்திய நிதியமைச்சர் நிர்மலா சீதாராமன் 2025-2026-ம் நிதியாண்டுக்கான பட்ஜெட்டை தாக்கல் செய்ய இருக்கிறார். இந்த நிலையில் பட்ஜெட் கூட்டத்தொடர் இன்று தொடங்கியது. ஜனாதிபதி திரவுபதி முர்மு இரு அவைகளின் கூட்டுக் கூட்டத்தில் உரையாற்றினார்.
அதன்பின் மத்திய நிதியமைச்சர் நிர்மலா சீதாராமன் 2025-2026-ம் ஆண்டுக்கான பொருளாதார அறிக்கையை தாக்கல் செய்தார். இதில் இந்தியாவின் உள்நாட்டு மொத்த உற்பத்தி (GDP) 6.3 சதவீதத்தில் இருந்த 6.8 சதவீதமாக இருக்கும் எனத் தெரிவிக்கப்பட்டுள்ளது.

மேலும் ஆய்வு அறிக்கையில் இடம் பெற்றுள்ள முக்கியம்சங்கள் வருமாறு:-

பணவீக்கம் கட்டுப்பாட்டுக்குள் இருக்கும்.
நிலையான தனியார் நுகர்வு உள்ளிட்டவைகளால் இந்தியப் பொருளாதாரத்தின் அடிப்படைகள் வலுவாக உள்ளன. 2026 நிதியாண்டிற்கான இந்தியாவின் பொருளாதார வாய்ப்புகள் சமநிலையில் உள்ளன.
அடிமட்ட அளவிலான கட்டமைப்பு சீர்திருத்தங்கள் மற்றும் கட்டுப்பாடுகளை தளர்த்துவதன் மூலம் உலகளாவிய போட்டித்தன்மையை மேம்படுத்த வேண்டும்.
காய்கறிகள் சீசன் மற்றும் காரிஃப் அறுவடை ஆகியவற்றால் 2025 நிதியாண்டின் 4-வது காலாண்டில் உணவு பணவீக்கம் குறைய வாய்ப்புள்ளது.
2026 நிதியாண்டில் பொருட்களின் விலை உயர்வால் ஏற்படும் பணவீக்கம் ஆபத்து குறைவாகவே இருக்கும் என பார்க்கப்படுகிறது. உலகளவிலான புவிசார் அரசியல் பதட்டங்கள் பணவீக்கத்தில் இன்னும் ஆபத்தை ஏற்படுத்துகின்றன.

* 2024-ம் ஆண்டில் ரூபாய் மதிப்பு வீழ்ச்சிக்கு முக்கிய காரணம் புவிசார் அரசியல் பதட்டங்கள், அமெரிக்க தேர்தலைச் சுற்றியிருந்த நிச்சயமற்ற தன்மை ஆகியவற்றுக்கு மத்தியில் அமெரிக்க டாலர் வலுவான நிலையை பெற்றதாகும்.

கர்ஜனையுடன் ஆக்ரோஷமாக மோதிக்கொண்ட 2 புலிகள்
வைரலாகும் வீடியோ
போபால்,பிப்.1-
சமூக வலைதளங்களில் வன விலங்குகள் பற்றிய வீடியோக்கள் அடிக்கடி வைரலாகும். இவற்றில் சில வீடியோக்கள் பயனர்களை மிகவும் ரசிக்க செய்யும். குறிப்பாக சிங்கம், புலி போன்றவற்றின் வேட்டை காட்சிகள் பயனர்களை மெய்சிலிர்க்க வைக்கும்.

இந்நிலையில் மத்திய பிரதேசத்தின் கன்ஹா புலிகள் காப்பகத்தில் 2 ஆண் புலிகள் கர்ஜனையுடன் ஆக்ரோஷமாக மோதிக்கொண்ட காட்சிகள் இணையத்தில் பரவி வருகிறது. 26 வினாடிகள் ஓடும் அந்த வீடியோவில் 2 ஆண் புலிகளும் சண்டையிடும் போது கடும் உக்கிரத்தை காட்டின.

புலிகள் காப்பகத்துக்குள் பதிவு செய்யப்பட்ட இந்த வீடியோவை காப்பகத்தின் கலை இயக்குனர் ரவீந்திர மணி திரிபாதி சமூக வலைதளங்களில் பகிர்ந்தார். இந்த வீடியோ வைரலாகி பயனர்களை கவர்ந்துள்ளது.