நெல்லை – தென்காசி வழித்தட எக்ஸ்பிரஸ் ரெயில் சேவையில் மாற்றம்

1 min read

3 days ago Balan A

Changes in Nellai – Tenkasi route express train service

15.6.2026
தண்டவாள இணைப்பு மற்றும் யார்டு மேம்பாட்டு பணிகள் காரணமாக பல்வேறு ரயில் சேவைகள் வழிமாற்றம் செய்யப்பட்டுள்ளன.

தெற்கு ரெயில்வே வெளியிட்டுள்ள அறிக்கையில் கூறி இருப்பதாவது:-

திருநெல்வேலி (TEN) ரெயில் நிலையத்தில் நடைபெறும் நடைமேடை 6 தண்டவாள இணைப்பு மற்றும் யார்டு மேம்பாட்டு பணிகள் காரணமாக பல்வேறு ரெயில் சேவைகள் 19.06.2026 முதல் 30.06.2026 வரை வழிமாற்றம் செய்யப்பட்டுள்ளன.

எக்ஸ்பிரஸ் ரெயில் சேவையில் மாற்றம்
1) 16846 (செங்கோட்டை – ஈரோடு விரைவு ரெயில்) பாவூர்சத்திரம்- கடையம் – அம்பாசமுத்திரம்- சேரன்மகாதேவி – கல்லிடைக்குறிச்சி – திருநெல்வேலி – வழியாக செல்வதற்குப் பதிலாக தென்காசி – ராஜபாளையம் – விருதுநகர் வழியாக செல்லும்.

இந்த ரயிலுக்கு விருதுநகர் – தென்காசி வழித்தடத்தில் சங்கரன்கோவில், ராஜபாளையம் மற்றும் சிவகாசி ரெயில் நிலையங்களில் கூடுதல் நிறுத்தம் வழங்கப்பட்டுள்ளது.

2) 16845 (ஈரோடு – செங்கோட்டை விரைவு ரெயில்) கோவில்பட்டி – திருநெல்வேலி – சேரன்மகாதேவி – கல்லிடைக்குறிச்சி – அம்பாசமுத்திரம் – கடையம் – பாவூர்சத்திரம் வழியாக செல்வதற்குப் பதிலாக, விருதுநகர் – ராஜபாளையம் – தென்காசி வழியாக செல்லும்.

3) 20684 (செங்கோட்டை – தாம்பரம் அதிவிரைவு ரெயில்) 29.06.2026 அன்றைய தினம் மட்டும் பாவூர்சத்திரம் – அம்பாசமுத்திரம் – கல்லிடைக்குறிச்சி – சேரன்மகாதேவி – திருநெல்வேலி வழியாக செல்வதற்குப் பதிலாக, ராஜபாளையம் – விருதுநகர் வழியாக செல்லும்.

இந்த ரயிலுக்கு சங்கரன்கோவில், ராஜபாளையம் மற்றும் சிவகாசி ரெயில் நிலையங்களில் கூடுதல் நிறுத்தங்கள் வழங்கப்பட்டுள்ளன.

இவ்வாறு அதில் கூறப்பட்டுள்ளது.